NOME: Rosa de Corcoesto
DATAS: Século XIX
A
HISTORIA:
Rosa, ou o máis probable Carme da Ponte, era unha veciña de Corcoesto, Era unha rapaza fermosa e moi pobre.
Rosa era unha muller transgresora e loitadora. Tivo dúas fillas co home que ela quixo, sen casar, o cal
era un estigma naquela época. Era unha boa coñecedora das herbas e dos seus
poderes curativos e sanadores. Exercía de curandeira
e chegou a rexentar un pequeno balneario á beira da Regueira, aproveitando que
coñecía as propiedades curativas daquelas augas, e que na beira da súa casa
había tamén unha fonte de augas sulfurosas. Incluso chegou a ter unha taberna.
Os coñecementos dos que
dispoñía sobre das plantas transmitíaos a outras mulleres, a quen ensinaba o
seu poder curativo. Dispoñía dun secadoiro de pescado propio para as troitas,
lampreas e salmóns que collía nas pesqueiras do río. E tamén cultivaba ostras
de auga doce no río Cardezo, que repartía con outras mulleres, a quen
aconsellaba tomalas para reforzar as defensas e o sistema inmunolóxico.
Rosa tivo dúas fillas a quen lles pagou o billete para embarcar para as Américas.
Consideraba que no país non había futuro para elas. Unha delas, Isabel, finou
ao pouco de chegar a México, procedente da Habana. A outra, Antonia, tomaría os
hábitos para entrar de monxa nun convento. Mais Antonia regresou ao cabo dos
anos para coidar a súa nai enferma antes de morrer. Ao finar Rosa, a súa filla
Antonia abandonaría a casa da Regueira para vivir nun local anexo á igrexa
parroquial de Corcoesto, e desenvolver na parroquia a súa labor de axuda aos
pobres e coidar o camposanto.
Historia publicada por
Ismael Pérez López, podedes lela premendo AQUÍ
Ningún comentario:
Publicar un comentario