NOME: Lupe Blanco (Guadalupe Blanco Vázquez).
DATAS: 1980 – Actualidade
VIDA:
Eu nacín en Montecelo
concello de Coristanco
agora son
regueifeira
e chámome Lupe Blanco
Empezo con esta copla para decirvos que son regueifeira, un
arte propio da nosa cultura popular en Bergantiños que
consiste na improvisación oral en verso de coplas en catro versos octosílabos
que riman sempre o segundo co cuarto.
A regueifa é bonita
e ten melodía fina
quero mandar un saludo
ó colexio da Cristina
Son
natural de Coristanco, do lugar de Montecelo, e herdei o amor pola regueifa de
meu bisavó Blanco de Muiñoseco, un
dos primeiros regueifeiros e maestro de moitos outros que viñeron atrás.
Fun
pandereteira desde os seis anos, pero non foi ata o ano 2017 cando empecei a
botar regueifas. Empecei nas redes sociais cunha páxina no Facebook que se chama “Regueifando pola vida”. Servía
para escribilas e que a xente a fora recordando con risas.
O
gusto pola nosa tradición, xuntado con moitas horas de práctica, levaronme a
empezar a cantar regueifas en público, non sen antes ter claro que estaba
preparada para subirme a un escenario e
improvisar durante horas. Intento facer
rir á xente e manter unha cultura tan propia da nosa zona.
A
regueifa é controversia, un diálogo entre dúas persoas que se comunican a base
de coplas que riman, hai que ter inxenio e rapidez mental para cadrar a rima e
que teña sentido no que queres dicir, ademáis da retranca que tanto a
caracteriza.
Coa
axuda da Asociación Oral de Galicia
empecei a ensinar polos colexios e universidades o que significa a regueifa e
de donde procede, cómo se chega a improvisar e a melodía que adoitamos a
cantar.
Regueifando pola vida, páxina na que Lupe Blanco comparte a súa regueifa.
Regueifando pola vida, páxina na que Lupe Blanco comparte a súa regueifa.
(O
texto está recollido tal como o fixo
chegar a propia Lupe Blanco)
Ningún comentario:
Publicar un comentario